SQO-da ıis tıip ýlanǵan 8 balanyń beseýi jansaqtaý bóliminde jatyr

PETROPAVL. KAZINFORM – Soltústik Qazaqstan oblysynda kómirtegi totyǵymen ýlanyp qalǵan bir otbasynyń 8 balasy analarymen birge Aıyrtaý aýdandyq aýrýhanasynda em alyp jatyr.

SQO densaýlyq saqtaý basqarmasy baspasóz qyzmetiniń málimetinshe, búgin aýrýhanaǵa túsken 8 balanyń úsheýi balalar bólimshesine ornalastyryldy, jaǵdaılary ortasha. Qalǵan bes bala qazir jansaqtaý bólimshesinde jatyr, jaǵdaılary turaqty, aýyr.

«Áıel 1990 jylǵy, aýdandyq aýrýhananyń terapııa bólimshesine ornalastyryldy. Balalardyń eń kishisi 2018 jylǵy jáne egiz qyz 2012 jyly týǵan. Egizdiń bireýi de jansaqtaý bólimine tústi», - deıdi vedomstvonyń baspasóz hatshysy Gúlnar Qalıeva.

Eserińizge salaıyq, búgin Aıyrtaý aýdany Antonovka aýylynda bir úıdiń 9 adamy ıis tıip ýlanǵandyǵy jóninde 112 telefonyna habar túsip, olardyń bári jedel túrde aýdandyq aýrýhanaǵa jetkizilgen edi.

Aldyn ala boljam boıynsha, áıel peshtiń murjasyn erte jaýyp tastaǵan.