SQO-da iri kólemde esirtki saýdalaýǵa qatysty is tergelip jatyr
PETROPAVL. QazAqparat - Soltústikqazaqstandyq polıtseıler úsh kún boıy esirtki tasymaldaǵan quqyq buzýshylardy anyqtap, izin kesý jumystarymen aınalysty, dep habarlaıdy QazAqparat tilshisi.
Oblystyq ІІD baspasóz qyzmetiniń aqparaty boıynsha, osy ýaqyt ishinde tártip saqshylary zańsyz aınalymnan 283 keli marıhýana tárkilegen. Polıtseıler esirtki tasymaldaǵan 13 qylmyskerdi, sonyń ishinde iri kóleımde zańsyz esirtki saqtaǵan 1 faktini anyqtady.
«Aýdan turǵyndarynyń birinen 1,5 keli marıhýana tárkilendi. Ol qylmystyq jaýapqa tartylyp, 7 jylǵa deıin bas bostandyǵynan aıyrylýy múmkin. Іri kólemde esirtki ótkizý faktisi de anyqtaldy. Basqa da málimetter tergeý múddesine baılanysty jarııalanbaıdy», - dep atap ótti baspasóz qyzmetinen.
Ýchaskelik ınspektorlar, patrýldik jáne esirtkige qarsy kúresýshi basqa da bólimshe qyzmetkerleri jastardyń kóńil kóteretin oryndaryn tekserdi.
«Quramynda esirtkisi bar ósimdikterdi ósirý faktilerin anyqtaý jumystary júrgizildi. Bizdiń óńirde esirtkige táýeldiler arasynda jabaıy ósetin sora tanymal emes. Soǵan qaramastan, bul ósimdikti egýge tyıym salynady», - dedi SQO ІІD esirtki bıznesine qarsy kúres basqarmasynyń bastyǵy Jandos Basybaev.
