SQO-da ınvestorlar keńesi ótedi

PETROPAVL. QazAqparat - Soltústik Qazaqstan oblysy ákimdigi sheteldik ınvestorlardy tartý jónindegi óńirlik keńestiń úshinshi otyrysyn ótkizýge qyzý daıyndalyp jatyr, dep habarlaıdy «QazAqparat» HAA tilshisi SQO ákiminiń baspasóz qyzmetine silteme jasap.

Indýstrııalyq-ınnovatsııalyq damý basqarmasynyń basshysy Janat Sadýaqasovtyń aıtýynsha, shara 25 tamyz kúni ótedi. Óńirlik keńes baǵdarlamasy barysynda plenarlyq otyrys, paneldi sessııalar, kórme, óndiris jáne mádenıet nysandaryn aralaý josparlanyp otyr.

Paneldi sessııalar «Agroınvestıtsııalar - agrarlyq sektor damýynyń múmkindikteri», «Jańartylǵan energııa - bolashaq damýynyń perspektıvalary», «Strategııalyq sheteldik ınvestorlardy tartýda QHA-nyń róli» taqyryptarynda ótedi.

Jıyn qorytyndysy boıynsha memorandýmdar men kelisimderge qol qol qoıylmaq.