SQO-da ınvestor men sharýashylyq arasyndaǵy daý sotqa jetpeı sheshildi
PETROPAVL. KAZINFORM – Soltústik Qazaqstan oblysynda prokýratýra 47,5 mlrd teńgege baǵalanǵan ınvestıtsııalyq jobanyń júzege asýyna kedergi bolǵan daýdy sheshýge yqpal etti.
SQO prokýratýrasynyń málimetinshe, Aıyrtaý aýdanynda «Baıan» volfram ken ornyn ıgerý jóninde iri ınvestıtsııalyq joba júzege asyrylady. Bul jobany «Resýrs-2018» JShS qolǵa alǵan. Qazirgi ýaqytta nysanda qurylys-montaj jumystary júrgizilip jatyr. Kásiporyn tolyq qýatyna shyqqannan keıin myńǵa jýyq jańa jumys orny ashylmaq.
Joba aıasynda ınvestordyń merdiger uıymy «Saýmalkól Agro» JShS jerinde geologııalyq barlaý jumystaryn júrgizip, saldarynan dándi daqyl egistigine zalal keltirgen. Sharýashylyq keltirilgen shyǵyndy 640 myń teńgege baǵalaǵan.
Aıyrtaý aýdandyq prokýratýrasynyń bastamasymen eki tarap kezdesip, ózara tıimdi kelisimge keldi. Investor keltirilgen shyǵyndy tolyq kólemde erikti túrde ótedi. Al jer paıdalanýshy óz tarapynan eshqandaı talap-aryzy joq ekenin rastap, geologııalyq barlaý jumystaryn jalǵastyrýǵa, onyń ishinde aldyn ala kelisilgen qosymsha eki jer ýchaskesinde jumystar júrgizýge kelisim berdi.
Buǵan deıin Semeıde prokýratýra 1,2 mlrd teńgeniń tıimsiz jumsalýyna jol bermegenin jazǵan edik.
