SQO-da ınvestıtsııalyq joba mamandardyń joqtyǵynan toqtap tur

PETROPAVL. KAZINFORM — Soltústik Qazaqstan oblysynda kezinde ashylyp, biraq keı sebeptermen jumys istemeı turǵan kásiporyndardyń sany jeterlik. 

SQO prokýratýrasynyń málimetinshe, osyndaı ınvestıtsııalyq joba Shal aqyn aýdanynda bar. 2021 jyly salynǵan jáne paıdalanýǵa berilgen «shujyq tsehy» bilikti kadrlardyń bolmaýyna baılanysty jumys istemeı tur.

Prokýratýra endi osyndaı kásiporyndarǵa qoldaý kórsetpek.

— Qazirgi ýaqytta jergilikti atqarýshy organdarmen birlesip, bilikti jumysshylardy izdestirýge kómektesip jatyrmyz. Investıtsııa salasynda prokýrorlardyń jańa jumys baǵyttarynyń biri — jańa óndiristerdi qoldaý jáne kásiporyndardyń toqtaýsyz jumys isteýine kómektesý. Mundaǵy basty kórsetkishter — jumys oryndaryn qurý, sol arqyly salyqtyń túsýine jáne JІÓ ósýine úles qosý, — deıdi óńir prokýrorlary.

Kásiporyndarda júktemeniń tómendigi de úlken másele. Kóptegen óndiristik nysanda básekelestiktiń bolýyna ǵana emes, sonymen qatar shetelden uqsas taýarlardyń kóptep ákelýine baılanysty ónim óndirý tómendep ketken.

Osy baǵytta prokýratýra organdary jumys josparyn qurdy. Investıtsııalyq jobalardy súıemeldep, olardyń jumysyn baqylaýda ustamaq.

Buǵan deıin SQO-da bıyl 1200-den astam dıqannyń quqyǵy qorǵalǵanyn jazǵan edik.