SQO-da ınternet alaıaqtyqqa qatysty uıaly baılanys operatory aıyppul tóledi
PETROPAVL. KAZINFORM – Soltústik Qazaqstan oblysynda Qazaqstanda tirkelmegen abonettik nómirge qyzmet kórsetken uıaly baılanys operatory jazalandy.
SQO prokýratýrasy basqarmasynyń aǵa prokýrory Ashat Jumabekovtyń aıtýynsha, taldaý barysynda ınternet alaıaqtyqtyń kóp jaǵdaıda uıaly baılanys operatorynyń eshqaıda tirkelmegen abonenttik nómir arqyly qashyqtan jasalatyndyǵy anyqtalǵan. Bul QR «Baılanys týraly» zańyna qaıshy.
- Qylmystyq isti tergeý barysynda alaıaqtardyń Qazaqstannyń nómirleý júıesi tártibine sáıkes tirkelmegen abonenttik nómir arqyly qońyraý shalǵany jáne osylaısha SQO turǵynyna tıesili aqshany urlaýǵa yqpal etkeni anyqtaldy. ıAǵnı abonenttik nómir uıaly baılanystyń abonettik qurylǵylaryn tirkeý ıdentıfıkatsııalyq kodtarynyń derekqoryna engizilmegen. Oblys prokýratýrasy uıaly baılanys operatoryna qatysty QR ÁQBtK 637-baby 1-bóliginiń 17-tarmaǵy boıynsha Ákimshilik quqyq buzýshylyq týraly hattama jasady. Osy materıaldy qaraý nátıjeleri boıynsha uıaly baılanys operatory ákimshilik jaýapkershilikke tartyldy, - dedi Ashat Jumabekov.
Prokýrordyń aıtýynsha, zardap shegýshilerdi qorǵaýdyń mundaı tásili buryn elimizde qoldanylmaǵan.
- Internet alaıaqtyqpen kúrestiń qosymsha mehanızmi qosyldy, bul uıaly baılanys operatorlarynyń áreket etpeýinen zardap shekkenderdiń materıaldyq shyǵynyn óteýge múmkindik beredi. Jaýapqa tartylǵan uıaly baılanys operatoryna 100 AEK mólsherinde 400 myń teńge shamasynda aıyppul salyndy. Ol aıyppuldyń jartysyn qysqartylǵan is júrgizý tártibimen tóledi, - deıdi Ashat Jumabekov.
Buǵan deıin Almaty qalasynyń prokýratýrasy alaıaqtarǵa aýdarylǵan aqshany qalaı qaıtaryp alýǵa bolatyndyǵyn aıtqan edi.