SQO-da indetke shaldyqqandardyń 26 paıyzy - zeınetkerler
PETROPAVL. QazAqparat – Soltústik Qazaqstan oblysy óńirlik kommýnıkatsııalar qyzmetinde karantındik sharalardy kúsheıtý taqyrybynda brıfıng ótti, dep habarlaıdy QazAqparat tilshisi.
SQO Sanıtarııalyq-epıdemıologııalyq baqylaý departamenti bastyǵynyń mindetin atqarýshy Tatıana Gorlovanyń aıtýynsha, óńirde KVI juqtyrýdyń 4570 jaǵdaıy tirkelgen. Onyń 2868-inde syrqattarda aýrý belgileri bolǵan.
Jalpy, 3028 adam nemese 66%-i medıtsınalyq kómekke júginý nátıjesinde ózderiniń KVI-di juqtyrǵandaryn anyqtaǵan. Aýyrǵandardyń 21 paıyzynda qaýipti ınfektsııa profılaktıkalyq tekseris barysynda tabyldy. Al koronavırýs anyqtalǵandardyń 13 paıyzy syrqattarmen baılanysta bolǵan.
«Ótken 6 kúnniń ishinde 170 adamda koronavırýs anyqtaldy. ıAǵnı onyń aldyndaǵy aptamen salystyrǵanda aýyrǵandar sany 2,7 ese artqan. Tek ótken táýlikte ǵana 33 jaǵdaı tirkelse, sonyń 9-ynda aýrý belgileri bolmaǵan. Reseıden kelgenderdiń ishinde 4 adamda anyqtaldy», - deıdi Tatıana Gorlova.
Aýyrǵandardyń 26 paıyzy 60 jastan asqandar. Buǵan toı-tomalaqtyń tyıylmaýy sebep.
«Týǵan kúnder, qudalyqtar, basqa da jıyndar búginde jasyryn ótkiziletin bolǵan. Shekteý sharalary sharshatty, túsinemiz, biraq bul kezeńnen ótý úshin karantın talaptaryn qatań oryndaý kerektigin uǵynýymyz kerek. Asa qajettilik bolmasa kóshege shyǵýǵa bolmaıtyndyǵyn eskertkenimizben KVI tabylǵan 1211 adamnyń jasy 60-tan asqan. Ekinshi orynda 50-59 jastaǵylar tur. Aýyrǵandardyń 20 paıyzy, ıaǵnı 896 jaǵdaı osy jastaǵylarǵa tıesili», - deıdi departament basshysynyń mindetin atqarýshy.
COVID-19 juqtyrǵandardyń úshten bir bóligi – jumys isteıtin turǵyndar. Ekinshi orynda 23 paıyzben zeınetkerler tur.
