SQO-da ıisshil ıtter sıntetıkalyq esirtkini anyqtaýǵa úıretildi
SQO Polıtsııa departamenti baspasóz qyzmetiniń málimetinshe, tártip saqshylary is-shara aıasynda kólikterdi, tirkeýge alynǵan kontıngentti tekserip, jedel aqparatpen jumys istedi, ǵalamtorǵa monıtorıng júrgizdi.
Jedel-aldyn alý is-sharasy barlyq bólimder men vedomstvolardyń tyǵyz qarym-qatynasta jumys isteýin qajet etedi. Bıyl polıtseıler aqparat almasýǵa jáne operatsııany júrgizýde ózara kómekke basymdyq berdi.
«SQO Polıtsııa departamenti basshysy Marat Tólebaevtyń kelisimimen esirtki qylmysymen kúresetin basqa da memlekettik organdarmen ózara árekettesýdi jandandyrdyq. Ulttyq qaýipsizdik komıteti departamentimen osyndaı birlesken is-sharalardyń nátıjesinde 17,5 kg kannabıoıdterdi satqan eki soltústikqazaqstandyqty ustadyq», - deıdi SQO PD esirtki qylmysyna qarsy is-qımyl basqarmasynyń basshysy Jandos Basybaev.
«Kóknár» operatsııasy barysynda psıhobelsendi zattardy satýǵa jol bermeý jáne anyqtaý basa nazarǵa alyndy. Byltyr osyndaı is-shara aıasynda tek 4 derek tirkelgen bolsa, bıyl iri jáne asa iri kólemde esirtki satýdyń 13 faktisi anyqtaldy.
«Oblystaǵy esirtkige qatysty jaǵdaıdy taldaıtyn bolsaq, «qara naryqtan» dástúrli esirtkini qoldan jasalǵan sıntetıkalyq psıhobelsendi zattar ysyrǵan. Osyǵan oraı zańǵa 5 shilde kúni engizilgen ózgertýlerge baılanysty qoldan jasalǵan sıntetıkalyq esirtkini taratýshylarmen kúreske basymdyq berildi», - delingen baspasóz habarlamasynda.
Sıntetıkalyq esirtkini anyqtaý úshin alǵash ret qyzmettik ıisshil ıtter qoldanyldy. Eki aı buryn kınologııalyq qyzmet ortalyǵynda 3 ıt arnaıy daıyndaldy. Jedel-aldyn alý is-sharasyna olardyń ekeýi qoldanylyp, nátıjesinde tyǵylǵan iri kólemdi esirtki anyqtaldy. Qyzyljar aýdanynyń kúdikke ilingen eki turǵynynyń birin ustaý barysynda Býcha atty spanıel 700 ret qoldanýǵa bólip salynǵan sıntetıkalyq esirtki oramalaryn tapty. Bella atty labrador Aqqaıyń aýdanynda esirtki ázirlep, satyp kelgen kúdiktini ustaýǵa kómektesti.
Jalpy operatsııa barysynda esirtkige qatysty 61 qylmys tirkelip, 321 kg esirtki zattary tárkilendi.