SQO-da ıis tıip ýlanǵan azamattyń jaǵdaıy aýyr
PETROPAVL. QazAqparat - Soltústik Qazaqstan oblysynda bir otbasy músheleri ıis tıip ýlanyp qaldy, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetine sáıkes, tótenshe oqıǵa Ǵabıt Músirepov atyndaǵy aýdanǵa qarasty Novoıshım aýylynda oryn alǵan.
39 jastaǵy azamat aýrýhanaǵa jatqyzylǵan. Qazirgi ýaqytta onyń jaǵdaıy aýyr dep baǵalanyp otyr. Al onyń 9 jáne 18 jastaǵy qyzdaryna medıtsınalyq kómek kórsetilip, úılerine jiberilgen. Iis tıip ýlanýǵa qatty otynmen janatyn peshtiń aqaýy sebep bolǵan.
"Úılerinde pesh pen elektr jylytqysh bar barlyq turǵyn olardyń aqaýsyz ekendigin tekserýleri qajet. Eger qandaı da bir kemshilik anyqtalsa, onda ony tez arada túzegen durys. Qaýipsizdik qamtamasyz etý jáne ıis tıip ýlanýǵa jol bermeý maqsatynda qatty otynmen janatyn peshterdiń murjasyna japqysh paıdalanbaýǵa keńes beremiz", - dep atap ótedi departamenttiń baspasóz qyzmeti.
