SQO-da ıesiz qalǵan kópqabatty úıler jóndelip jatyr
PETROPAVL. QazAqparat - SQO, Aıyrtaý aýdany, Saýmalkól aýylynda 20 jyldan beri ıesiz turǵan kópqabatty eski úıler qaıta qalpyna keltiriledi, dep habarlaıdy «QazAqparat» HAA tilshisi.
Aýdan ákiminiń orynbasary Aıdyn Qazjanovtyń aıtýynsha, aýyldaǵy 18 úıdiń tórteýi jóndelgen. Úıler endi jylý júıesine qosylmaq.
«Jylý qazandyǵynyń qurylys jobasy 2017 jyly bastalǵan. Mamyrda iske qosamyz», - dedi A.Qazjanov.
Oblys ákimi jyl saıyn bir úıdi paıdalanýǵa berý jóninde tapsyrma berdi.
«Jyl saıyn bir úıdi turǵyndar ıgiligine tapsyramyz. Zertteý júrgizdik, ázirge 9 qabatty úılerge tıispeımiz, onyń lıftilerin qalpyna keltirý kerek. Tek bes qabatty turǵyn úılerdi qalpyna keltiremiz», - dedi Qumar Aqsaqalov.
Saýmalkóldegi kópqabatty turǵyn úıler ornalasqan shaǵynaýdan 90-shy jyldary ýran óndirýshi kenshilerge arnap salynypty. Toqyraý jyldary jańa úıler jylýsyz qalyp, turǵyndar jan-jaqqa kóship ketken.
Kópqabatty qurylystar uzaq jyldar boıy qańǵybastardyń mekeni men qylmys orynyna aınalǵan.
Endi 20 jyldan keıin qaraýsyz qalǵan baspanalar ıelerin tabady.
