SQO-da halyq sanaǵynyń ekinshi kezeńin júrgizýge 730 adam tartylmaq

PETROPAVL. QazAqparat – Soltústik Qazaqstan oblysynda halyq sanaǵynyń birinshi kezeńi aıaqtalyp, ıntervıýerler 246,8 myń nysandy aralap shyqty, dep habarlaıdy QazAqparat tilshisi.

Ulttyq statıstıka bıýrosynyń SQO boıynsha departamentiniń málimetinshe, ıntervıýerler halyq sanaǵynyń birinshi kezeńinde 245,5 myń turǵyn jáne

turǵyn úı emes nysandy aralap shyǵýy kerek boldy. Alaıda olar jospardy 100,5 %-ǵa oryndady, ıaǵnı 246,8 myń ǵımaratty aralaǵan.

Qazirgi kezde sanaq júrgizýshiler bıylǵy 1 qyrkúıek pen 30 qazan aralyǵynda ótetin naýqannyń ekinshi – negizgi kezeńine daıyndalyp jatyr.

Maqsat – tamyz aıynyń sońyna deıin oblysty tıisti ýchaskelerge bólý.

Sondaı-aq oblysta sanaq júrgizetin personaldy jumysqa qabyldaý bastaldy. Óńirde halyq sanaǵynyń negizgi kezeńin ótkizýge 730 ıentervıýer men nusqaýshy-baqylaýshy qajet.

«Oblys turǵyndary arasynda halyq sanaǵyn júrgizý boıynsha túsindirý jumystary belsendi túrde júrgizilip jatyr. Brıfıngter uıymdastyrylyp, memlekettik statıstıka organ ókilderi suhbat berdi. Beınerolıkter túsirilip, áleýmettik jelilerde, BAQ-ta jarııalandy. Halyq sanaǵynyń negizgi kezeńin túsindirý maqsatynda jergilikti atqarýshy bıliktiń kómegimen aqparattyq bannerler ornalastyryldy. SQO boıynsha olardyń sany – 70. Budan basqa eldi mekenderde 40 myń aqparattyq jadynama taratý josparlanǵan», - delingen habarlamada.