SQO-da Gerold Belgerdi eske alý murajaıy ashyldy
PETROPAVL. QazAqparat - Búgin Gýmanıtarlyq-tehnıkalyq kolledjde belgili jazýshy, pýblıtsıst, aýdarmashy, Soltústik Qazaqstan oblysynyń qurmetti azamaty Gerold Belgerge arnalǵan murajaı-aýdıtorııa ashyldy. Is-sharaǵa óńir basshysy Erik Sultanov qatysty, dep habarlady oblys ákimdiginiń baspasóz qyzmeti.
Oblys ákimi murajaı uıymdastyrýshylaryna alǵys bildirip, jazýshynyń úsh birdeı ádebıettiń damýyna qosqan úlesine toqtaldy.
«Gerold Karlovıch búkil ómirin otanyna degen sheksiz mahabbatymen ótkizdi. Bul murajaı bizdiń jastarymyz úshin jaqsy patrıottyq mektep bolady. Maǵan bul azamatty bilip, onymen birge jumys isteý baqyty buıyrdy», - dedi Erik Hamzauly.
Kolledj dırektory Aleksandr Merk murajaı-aýdıtorııanyń jas urpaqty tárbıeleýge qosatyn úlesi týraly áńgimeledi.
Alǵashqy qonaqtar úshin ekskýrsııa júrgizýshileri Gerold Belgerdiń ómiri men shyǵarmashylyǵy jaıynda mazmundy aqparatty jetkizip, keıbir eksponattar týraly aıtty. Olardyń ishinde jazýshynyń jarymen qyzy tabystaǵan jeke zattary bar. Jalpy murajaı 9 taqyryptyq bólimnen turady.
Jıyn sońynda Erik Sultanov murajaı-aýdıtorııa jaıynda estelik jazba qaldyrdy.
