SQO-da gaz datchıgi egde jastaǵy áıeldiń ómirin saqtap qaldy
PETROPAVL. QazAqparat– Soltústik Qazaqstan oblysy Rýblevka aýylynda gaz datchıgi úı ıesine qaýip bary týraly der kezinde eskertken, dep habarlaıdy QazAqparat.
Tótenshe jaǵdaı departamentiniń baspasóz qyzmetiniń málimeti boıynsha, 80 jastaǵy áıel adam tańerteń peshtiń tútin shyǵatyn jerin jaýyp, qaıtadan uıyqtap qalǵan. Birneshe ýaqyttan soń ony gaz datchıginiń dabyly oıatty. Aqyldy qurylǵy áıeldi qaýipti gaz taraǵany týraly eskertken.
«Zeınetker TJ qyzmetshileri úıretken nusqaýlyqty esine túsirip, tezirek kıinip, tereze men esikterdi ashyp, úıdi jeldetti. Peshtiń japqyshyn erte jabý qaıǵyly oqıǵaǵa ákep soqtyrýy múmkin edi» , - dep málimdedi baspasóz qyzmetindegiler.
Áıel adamnyń úıine gaz datchıgi jeltoqsan aıynyń basynda ornatylǵan. Jalpy Rýblevkadaǵy 14 jalǵyz turatyn zeınetkerdiń úıine qutqarýshylar tegin gaz taldaýysh ornatyp bergen.
