SQO-da gaz datchıgi kópbalaly otbasyny úlken qaıǵydan saqtap qaldy

ASTANA. KAZINFORM — Soltústik Qazaqstan oblysy Esil aýdanyndaǵy ıAvlenka aýylynda ornatylǵan órt habarlaǵyshynyń arqasynda kópbalaly otbasy aýyr jaǵdaıdan aman qaldy, dep habarlaıdy TJM baspasóz qyzmeti.

Oqıǵa jumys kúnderiniń birinde bolǵan. Úıde demalyp jatqan kópbalaly ana kenetten órt habarlaǵyshynan shyqqan qatty dybysty estıdi. Dabyldyń sebebin anyqtaý úshin jýynatyn bólmege kirgen áıel qysqa tuıyqtalý saldarynan sý jylytqyshtyń qyzdyrǵysh elementi balqyp, bólmeni qoıý tútin basyp jatqanyn kóredi.

Mamandardyń aıtýynsha, sol sátte órt kez kelgen ýaqytta tutanyp, turǵyn úıge úlken qaýip tóndirýi múmkin bolǵan. Alaıda datchıktiń ýaqytyly iske qosylýynyń arqasynda áıel dereý áreket etip, tótenshe jaǵdaıdyń aldyn alǵan.

— Osy datchıkti ornatyp bergen qutqarýshylarǵa alǵysym sheksiz. Ol bizdiń shańyraǵymyzdy, eń bastysy — balalarymdy aman alyp qaldy, — deıdi kópbalaly ana.

Tótenshe jaǵdaılar qyzmeti órt habarlaǵyshtarynyń turǵyn úılerde ornatylýy adam ómiri men múlikti saqtaýda asa mańyzdy ekenin taǵy bir márte eske salady.

Budan buryn Shymkentte jaldamaly páterden bir otbasynyń úsh adamy óli kúıinde tabylǵanyn jazǵanbyz.