SQO-da gaz ballony jarylyp, ájesi men nemeresi kúıip qaldy
Soltústik Qazaqstan oblysy Bekseıit aýylynda gaz ballony jarylyp, 83 jastaǵy áıel men onyń 21 jastaǵy nemeresin kúıik shaldy, dep habarlaıdy Kazinform.
SQO tótenshe jaǵdaılar departamenti baspasóz qyzmetiniń málimetinshe, oqys oqıǵa 5 qańtar kúni bolǵan.
Saǵat 19.43-te Mamlıýt aýdanynyń № 15 órt sóndirý bólimine 27 lıtrlik gaz ballonynyń jarylǵany týraly aqparat kelip tústi.
Saldarynan eki sharshy metr alańda tóbeniń tartpasy janǵan. Eki adam — 1940 jyly týǵan áıel jáne onyń 2002 jylǵy nemeresi kúıikpen aýrýhanaǵa jetkizildi.
Mamandardyń aıtýynsha, turǵyndar gaz aspaptaryn durys qoldanbaıdy, qaýipsizdik erejesin saqtamaıdy.
Máselen:
avtomobılge arnalǵan statsıonarlyq gaz quıý stantsııasynda avtokólikte paıdalanýǵa arnalmaǵan ballondardy toltyrýǵa tyıym salynǵan;
ballondardy tek syıymdylyǵynyń 85% ǵana toltyrǵan jón;
úı-jaıda gazy bar ballondardy jylytý radıatorlarynan jáne basqa da jylytý aspaptary men peshterden keminde 1 metr jáne ashyq otpen jylytý kózderinen keminde 5 metr qashyqtyqta bolýy tıis;
gaz ballonyn jyly bólmege engizgennen keıin birden paıdalanýǵa qatań tyıym salynady — jarylys bolýy múmkin.
Buǵan deıin SQO Meńgeser aýylynda gaz ballonynyń jarylǵanyn aıtqan edik. Sol sátte úıde bolǵan bes adam túrli dárejedegi kúıikpen aýrýhanaǵa jatqyzyldy.