SQO-da farmatsevtıkalyq kásiporyn salynbaq
PETROPAVL. QazAqparat – Soltústik Qazaqstan oblysynda reseılik kompanııa dári-dármek shyǵaratyn farmatsevtıkalyq zaýyt salatyn boldy, dep habarlaıdy QazAqparat tilshisi.
SQO ákimi Qumar Aqsaqalovtyń aıtýynsha, «Velfarm» kompanııasy farmatsevtıkalyq kásiporyndy Petropavlda salmaq. Reseılik ınvestorlarmen jarty jyl kelissózder júrgizildi. Oń-solyn saralaı kele máskeýlik kompanııa dári-dármek shyǵaratyn farmatsevtıkalyq zaýytty turǵyzatyn boldy.
«Qazir farmatsevtıkalyq jobany «Qyzyljar» arnaıy ekonomıkalyq aımaǵyna engizý boıynsha jumys júrgizilip jatyr. Memleket barlyq ınfraqurylymdy tartady. Investorlar jobaǵa 15 mlrd teńge quıýǵa daıyn. 200 jańa turaqty jumys orny qurylady. Osy jobanyń arqasynda ekonomıka jańa serpin alady, al aımaq jergilikti dári-dármekpen qamtamasyz etiledi», - dep jazdy óńir basshysy Qumar Aqsaqalov áleýmettik jelidegi paraqshasynda.
