SQO-da farmatsevt psıhotropty dári-dármekti retseptisiz satyp kelgen
PETROPAVL. QazAqparat - Soltústik Qazaqstan oblysynda esirtki qylmysyna qarsy kúres basqarmasynyń qyzmetkerleri quramynda esirtki bar preparattardyń satylý zańdylyǵyn tekserdi, dep habarlaıdy QazAqparat.
Polıtsııa departamenti baspasóz qyzmetiniń málimetinshe, negizinen dárihanalar, medıtsınalyq mekemeler jáne óndiriste qyshqyldy qoldanatyn kásiporyndar tekserilgen.
«9 keliden astam ártúrli esirtki zattary tárkilendi. Onyń ishinde psıhotropty 20 tabletka jáne quramynda esirtki bar 100 ampýla dárilik preparat bar. Bir zańbuzýshylyq psıhotropty dárini retseptisiz satýǵa qatysty. Fakti boıynsha ákimshilik materıal jınaldy. Taǵy bir zańbuzýshylyq - quramynda esirtki men psıhotrop bar ampýlany ýaqtyly joımaý. Olardy qoldaný barlyq kezeńde asa qatań baqylaýdy talap etedi», - dep málim etti baspasóz qyzmeti.
Polıtseılerdiń sózinshe, farmatsevtıkalyq qyzmet pen dárilik zattardy jáne medıtsınalyq buıymdardy satý salasyndaǵy kemshilikter úshin 70-ten myń aılyq eseptik kórsetkishke (AEK) deıin aıyppul qarastyrylǵan.
Reıd kezinde tártip saqshylary «spaıs» atty sıntetıkalyq esirtkini tárkiledi.
Jalpy, jyl basynan beri óńirde esirtkige qatysty 132 zań buzý faktisi tirkelgen. Onyń 126-sy - es-itki satý qylmysy. 85 esirtki zaty, onyń ishinde 106 gramm geroın zańsyz aınalymnan alyndy.
