SQO-da ETsQ-syn basqa bireýge paıdalanýǵa bergen laýazymdy tulǵalar jazalanyp jatyr
Soltústik Qazaqstan oblysynda jergilikti atqarýshy organdardyń laýazymdy tulǵalary ózderiniń elektrondyq tsıfrlyq qoltańbasynyń jabyq kiltin basqalarǵa zańsyz berip kelgen. Prokýratýra muny tekseris barysynda anyqtady, dep habarlaıdy Kazinform.
SQO prokýratýrasynyń málimetinshe, Taıynsha aýdany turǵyn úı-kommýnaldyq sharýashylyq bóliminiń basshysy «Elektrondy qujat jáne elektrondyq tsıfrlyq qoltańba týraly» QR Zańynyń 10-babynyń talaptaryn buza otyryp, elektrondyq tsıfrlyq qoltańbanyń jeke kiltin bas mamanǵa berip qoıǵan.
Keıin bólim basshysy eńbek demalysynda bolǵan kezeńde onyń atynan avtomobıl joldaryn kútip ustaý boıynsha memlekettik satyp alý týraly kelisimge bólimniń bas mamany qol qoıǵan.
Zańbuzýshylyqqa barǵan aýdandyq turǵyn úı-kommýnaldyq sharýashylyq bóliminiń basshysy elektrondyq tsıfrlyq qoltańbanyń jabyq kiltin basqalarǵa zańsyz bergendigi úshin ákimshilik jaýapkershilikke tartylyp, aıyppul tóledi.
Qadaǵalaýshy organ oblystyń memlekettik eńbek ınspektsııasy basqarmasynyń burynǵy basshysy, qazirgi ýaqytta oblystyń Eńbek jáne halyqty áleýmettik qorǵaý komıteti basqarmasynyń basshysyn da osyndaı zań buzýshylyq úshin ákimshilik jaýapkershilikke tartty.
Aqjar, Qyzyljar, Taıynsha aýdandarynyń jergilikti atqarýshy organdarynda da 24 fakti anyqtaldy.
Prokýrorlyq qadaǵalaý aktileri boıynsha qazirgi ýaqytta zań buzýshylyqtardy joıý jáne kináli laýazymdy tulǵalardy jaýapkershilikke tartý sharalary qolǵa alynǵan.
Prokýrorlardyń aıtýynsha, memlekettik qyzmetshilerge elektrondyq tsıfrlyq qoltańbanyń jabyq kiltin basqa tulǵalarǵa zańsyz bergeni úshin QR Ákimshilik quqyq buzýshylyq týraly kodekstiń 640-babynyń 5-bóligi boıynsha ákimshilik jaýapkershilik bar. Aıyppul mólsheri - 51 750 teńge.
