SQO-da Esil ózeniniń sýy bir táýlikte 160 sm kóterildi

PETROPAVL. KAZINFORM – Aqmola oblysynan keletin sý aǵynynyń kúsheıýine baılanysty Soltústik Qazaqstan oblysynyń Ǵ. Músirepov jáne Shal aqyn aýdandarynda ózenderdiń tasý qaýpi bar.

«Qazgıdromet» kásiporny oblystyq fılıalynyń málimetinshe, ótken táýlikte Shóptikól aýyly mańynda Esil ózeniniń sýy deńgeıi 160 sm-ge kóterilgen. Drýjba aýylynyń tusynda 12 sm-ge, Toqsan bı eldi mekeniniń mańynda 89 sm-ge tómendegenimen, bul ýaqytsha qubylys. Aldaǵy kúnderi sý deńgeıi qaıta kóterilmek. Óıtkeni Aqmola oblysynan joǵary aǵystan sý kele bastady. Saldarynan, mamandardyń aıtýynsha, 3-5 sáýir kúnderi keı jerlerde qaýipti deńgeıden asyp, ózender tasýy múmkin.

Gıdrologııalyq monıtorıng derekterine súıensek, qazir óńirdegi ózenderde muz jaǵaǵa úıilgen, al Babyq Burlyq, Sharyq, Imanburlyq sııaqty shaǵyn ózenderde muz joq.

Sergeev sý qoımasynda ótken táýlikte sý deńgeıi 17 sm-ge kóterildi. Gıdrologııalyq nysan 108% tolyp, asyp-tógilý bıiktigi 45 sm-ge jetti.

Buǵan deıin SQO-da sý tasqyny jaǵdaıy baqylaýǵa alynyp, táýlik boıy kezekshilik engizilgenin jazǵan edik.