SQO-da eski zamannyń zeńbiregi tabyldy
Dámhana qazirgi ýaqytta kúrdeli jóndeý júrgizilip jatqan mádenıet jáne demalys saıabaǵynda ornalasqan. Buryn bul jerde jappa bolatyn. Úńgir men zeńbirek petropavldyq saıabaqta Qazan tóńkerisinen buryn ákelingen. 2000 jyldardyń basynda úńgirdiń ornyna dámhana turǵyzylyp, qalalyqtar eski artefakt quryp bitti dep eseptegen. Aıta keterligi, dámhananyń ataýy da osy jaıǵa baılanysty «zeńbiregi bar dámhana» dep atalǵan edi.
«Zeńbirektiń tarıhy úshin taqym qysqandarǵa jaqsy jańalyq dep aıtsaq ta bolady. Ol týra ornalastyrylǵan jerinen tabyldy. Artefakttyń keıingi tarıhy shynynda da qyzyq. Eski zeńbirektiń oqpany metallolomǵa ótip ketpeı, tarıhı-aımaqtyq mýzeıge ornalastyrylsa dep tileımiz», - deıdi Fasebook qoldanýshylarynyń biri.
Qalanyń burynǵy turǵyndary birneshe býynnyń úńgir men zeńbirekti qundy jádiger dep eseptegenin aıtady. Saıabaqtyń kúrdeli jóndeý josparynda úńgir joq. Qalalyqtar tym bolmaǵanda zeńbirek saqtalyp qalsa dep tilek bildiredi.
Soltústik Qazaqstan oblysynyń tarıhı-aımaqtyq mýzeıi dırektorynyń orynbasary Erkin Sháýkenov artefakt bir aptanyń ishinde mýzeıdiń arhıvine tapsyrylatynyn habarlady.
«Bizdiń mýzeıde eki zeńbirek bar. Bul da saqtalatyn bolady. Óz tarapymyzdan qala turǵyndary men qonaqtary úshin ekspozıtsııany qalaı yńǵaıly ornalastyrý jaǵyn oılastyramyz», - deıdi Erkin Sháýkenov.