SQO-da esirtkini shamadan tys tutynǵan 13 bala aýrýhanaǵa túsken
PETROPAVL. QazAqparat - SQO-da sıntetıkalyq esirtkini tutynatyndardyń qatary artyp keledi. Byltyr elitkishti shamadan tys qoldanǵan 13 bala aýrýhanaǵa tústi, dep habarlaıdy QazAqparat tilshisi.
Esirtkiden ýlanyp aýrýhanaǵa túsken kámelettik jasqa tolmaǵan 13 balanyń ekeýi 12 jastaǵy jasóspirim. Tártip saqshylarynyń aıtýynsha, sıntetıkalyq esirtkiden keler qaýip orasan. 2016 jyly oblysta mundaı elitkishti tutynýdyń bir ǵana faktisi tirkelgen bolsa, 2017 jyly altaý, al byltyr onyń sany 52-ge jetken.
Osyǵan oraı, bıyl SQO Polıtsııa departamenti vedomstvoaralyq baǵdarlama ázirledi. Soǵan sáıkes nashaqorlyqtyń aldyn alý jáne esirtki bıznesine qarsy is-qımyl jasaý sharalary kóptep qolǵa alynbaq.
«Eýropalyq tájirıbe óz nátıjeliligin kórsetti. ıAǵnı, esirtki bıznesimen kúreskennen góri onyń aldyn alǵan anaǵurlym tıimdi. Byltyr 13 bala esirtkini shamadan tys tutynyp, aýrýhanaǵa tústi. Barlyǵy da kámelet jasyna tolmaǵandar. Sońǵy úsh jyl aralyǵynda sıntetıkalyq esirtkini paıdalanýshylar qatary 52-ge jetken. Byltyr sıntetıkalyq esirtkini úıinde saqtap, satyp júrgen 23 qylmysker ustaldy. 200 gramm geroınmen qolǵa túsken tsygan kelinshegi 6,5 jylǵa sottaldy»,-deıdi SQO PD esirtkige qarsy kúres basqarmasynyń bastyǵy Jandos Basybaev.
Esirtki bıznesimen aınalysatyndar ınternet arqyly saýdasyn qyzdyryp jatyr. Petropavl qalasy boıynsha jarnama saıtyna 272 adam tirkelipti. Polıtseılerdiń aıtýynsha, aralarynda avtobýs júrgizýshileri de bar.
