SQO-da Esil tasyp, aýyl jolyn shaıdy, 1 myń saıajaı úıin sý basty
PETROPAVL. QazAqparat – Petropavl mańyndaǵy Esil ózeniniń sý deńgeıi qaýipti deńgeıge jaqyndap keledi. Mamandardyń aıtýynsha, aldaǵy birer kúnde meje sharyqtaý shegine jetedi, dep habarlaıdy QazAqparat tilshisi.
«Qazgıdromet» RMK Soltústik Qazaqstan oblystyq fılıalynyń málimetinshe, búgin tańǵy saǵat 8.00-de Petropavl mańyndaǵy Esil ózeniniń sý deńgeıi 1009 sm-ge jetti. Bir táýlikte tek 9 sm-ge ǵana kóterilgen. Qaýipti deńgeıge deıin 41 sm bar. Oblys ortalyǵynda sý tasqynynyń sharyqtaý shegi, mamandardyń boljamynsha, búgin-erteń ótedi.
Buǵan deıin tasyǵan Esil halyqaralyq mańyzy bar «Chelıabi-Novosibir» kúre jolyn shaıyp ketse, endi Zarechnyı kentine barar joldy sý basty. Sondaı-aq 1 myńǵa jýyq saıajaı ýchaskesi sý astynda qaldy.
Qyzyljar aýdany Novonıkolskoe eldi mekeni mańynda Esil ózeni 25 sáýirde maksımaldy deńgeı – 1346 sm-ge deıin kóterildi. Endi birtindep túsip jatyr. Al odan tómen ornalasqan gıdrologııalyq posttarda áli de ózen sýy kóterilip keledi. Máselen, Dolmatovo aýylynyń mańynda 14 sm-ge kóterilgen.
Oblystyń shaǵyn ózenderinde de, Sergeev sý qoımasynda da sý deńgeıi túsip jatyr.
Úlken Torańǵul kólinde jaǵdaı turaqty. Bir táýlikte sý deńgeıi ózgermegen.
