SQO-da Esil ózeniniń sý deńgeıine qatysty eskertý jarııalandy
NUR-SULTAN. QazAqparat - Soltústik Qazaqstan oblysynyń aýmaǵynda Esil ózeninde sý deńgeıiniń kóterilýine qatysty eskertý jarııalandy, dep habarlaıdy QazAqparat Qazgıdrometke silteme jasap.
«Esil aýdany Pokrovka aýylynda Esil ózeniniń boıyndaǵy gıdrologııalyq bekette sý deńgeıiniń kóterilýi jalǵasýda. Sýdyń qaýipti deńgeıiniń kóterilýi kútilýde. Saǵat 12:00-degi naqty deńgeı - 788 sm. Qaýipti deńgeı - 950 sm (ózen arnasynan shyǵyp ketedi).
Qyzyljar aýdanynyń Novonıkolskoe aýylynda Esil ózenindegi gıdrologııalyq bekette sý deńgeıiniń kóterilýi jalǵasýda. Ózen arnasynan shyǵyp ketý baqylanýda. Saǵat 12:00-legi naqty deńgeı - 1026 sm. Qaýipti deńgeı 780 sm», - delingen habarlamada.
