SQO-da esh jerde esepte joq 9 myń ga orman alqaby anyqtaldy
PETROPAVL. KAZINFORM – Soltústik Qazaqstan oblysynyń tabıǵat qorǵaý prokýratýrasy esepke alynbaǵan jáne memlekettiń qorǵaýynda joq myńdaǵan gektar gektar orman alqaptaryn anyqtady.
SQO prokýratýrasynyń málimetinshe, orman sharýashylyǵy salasynda zańbuzýshylyqtarǵa jol berilgen. Orman kodeksine sáıkes, ózge sanattaǵy jerlerde tabıǵı ósken aǵashtar memlekettik orman qoryna engizilýi tıis. Alaıda, oblystyq tabıǵı resýrstar basqarmasynyń laýazymdy tulǵalary men aýdan ákimderi tıisti túgendeý jumystaryn júrgizbegen.
Prokýrordyń talaby negizinde tekseris júrgizilip, Aıyrtaý, Esil, Jambyl, Qyzyljar, Mamlıýt jáne Tımırıazev aýdandarynda jalpy aýmaǵy 9 myń gektardan astam orman alqaby memlekettiń qorǵaýyna alynbaǵany anyqtaldy.
Zańbuzýshylyqtardy joıý úshin ákimdik janynan komıssııa qurylyp, naqty merzimder men jaýapty tulǵalar belgilengen Jol kartasy ázirlendi. Nátıjesinde alǵashqy 46,2 gektar ormandy alqap Qyzyljar orman sharýashylyǵy quramyna engizildi. Qalǵan ýchaskeler boıynsha jumystar júrgizilip jatyr.
Buǵan qosa, óz mindetterin tıisti deńgeıde oryndamaǵan tórt laýazymdy tulǵa tártiptik jaýapkershilikke tartyldy.
Tabıǵat qorǵaý prokýrorlary memlekettik orman qoryn molaıtý - Memleket basshysy aıqyndaǵan ekologııalyq saıasat ekenin atap ótti. Osyǵan oraı, jergilikti jáne ýákiletti organdardyń jumysyn úılestirý maqsatynda birqatar is-sharalar qabyldanǵan.
Buǵan deıin SQO-da kúzgi-qysqy ańshylyq maýsymy 30 tamyzda resmı túrde ashylatyndyǵyn jazǵan edik.