SQO-da erli-zaıyptylar sýǵa batyp kete jazdady
PETROPAVL. QazAqparat - «Ýchıtel» saıajaı qoǵamynan rezeńke qaıyqpen kele jatqan erli-zaıyptylar sýǵa batyp kete jazdady, dep habarlady SQO TJD baspasóz qyzmetine silteme jasap «QazAqparat» HAA tilshisi.
Qutqarý bólimshesiniń basshysy Sergeı Cherkasov kópjyldyq tájirıbesiniń arqasynda jaǵdaıǵa jedel den qoıyp, batyp bara jatqan qaıyqqa júzip barǵan. Sanaýly mınýtta zardap shekkenderdiń qaıyǵy sýǵa batyp ketti. Jaǵaǵa shyqqannan keıin júzý quraly kedergige tap bolyp, zaqymdanǵany anyqtaldy.
Qutqarýshylar sý tasqyny kezeńinde qaýipsizdik qaǵıdalary týraly eskertedi. Sý basýy múmkin saıajaılarda balalardy qaraýsyz qaldyrmaýdy, sý qoımalarynyń janynda oıyn oınaýǵa tyıym salýdy usynady.
