SQO-da erigen qar sýynan sarqyrama paıda boldy
PETROPAVL. QazAqparat - Soltústik Qazaqstan oblysynyń Ǵ.Músirepov atyndaǵy aýdanda erigen qar sýy kúre joldy buzdy, dep habarlaıdy «QazAqparat» HAA tilshisi.
Erigen qar sýynyń aǵysy sonshalyq, ol jol tósemin túgeldeı shaıyp ketken. Qaýipti aýmaqta túsirilgen beınejazbalar áleýmettik jelilerge júktelýde.
«112» qyzmeti soltústikqazaqstandyqtardy «Kókshetaý-Rýzaevka» trassasynyń jabylýy týraly SMS-habarlama arqyly eskertti.
Keshe qyzyl sý Rýzaevka aýylyna jetti. Ondaǵan úılerdi sý basyp, 100-ge jýyq mal basy qyryldy. Qutqarýshylar qyryqtan astam jergilikti turǵyndy evakýatsııalady.
