SQO-da er adam at ústinen otqa qulap, synyq, kúıikpen aýrýhanaǵa tústi

PETROPAVL. KAZINFORM — Soltústik Qazaqstan oblysynda 38 jastaǵy er adam erekshe jaǵdaıda túrli dene jaraqatyn aldy.

Petropavl qalalyq kópbeıindi jedel medıtsınalyq járdem aýrýhanasynyń málimetinshe, er adam emdeý mekemesine aralas jaraqattarmen túsken. 

Patsıenttiń aıtýynsha, ol attyń ústinen aýyp ketip, janyp jatqan alaýǵa qulaǵan.

Dárigerler onyń buǵanasynyń synyp, ornynan shyǵyp ketkenin anyqtady jáne sol jaq ıyǵy men aldyńǵy keýde jaǵy shamamen 2% kúıgen. 

— Bastapqyda zardap shegýshiniń qoly jumsaq Dezo tańǵyshymen tańyldy, keıin travmatologtar súıek synyqtaryn ishten bekitip, ashyq túrde repozıtsııa operatsııasyn jasady. Búginde er adamnyń jaǵdaıy turaqty, jaqsaryp keledi, kúıik jaralary únemi óndelip, sterıldi tańǵyshtarmen tańylady. Ol travmatologııa bólimshesinde mamandardyń baqylaýymen em alyp jatyr, — deıdi aýrýhana mamandary.

Dárigerlerdiń aıtýynsha, medıtsınalyq kómek ýaqytynda kórsetildi. Nátıjesinde qoldyń qyzmeti qalpyna keltirilip, kúıik jarasynyń asqynýyna jol berilmedi. 
Buǵan deıin SQO-da sirińkemen oınaǵan 9 jasar bala bútin úı-jaıdy órtep jibere jazdaǵanyn jazǵan edik.