SQO-da er adam tórt kúnnen beri izdestirilýde
PETROPAVL. QazAqparat – Soltústik Qazaqstan oblysynda birneshe kúnnen beri er adam tabylmaı jatyr, dep habarlaıdy QazAqparat tilshisi.
SQO tótenshe jaǵdaılar departamentiniń málimetinshe, Esil aýdany Pokrovka eldi mekeniniń mańyndaǵy Esil ózeninde tórtinshi kún qutqarýshylar er adamdy izdestirýde. Ázirge bul jumystar nátıje bermedi.
Aldyn ala aqparat boıynsha, er adam qaıyqqa minip ózenge shyqqan, keıin qulap ketken. Oqıǵanyń naqty sebepteri anyqtalatyn bolady.
Aıta keteıik, 15 mamyr kúni Aıyrtaý aýdany Saýmalkól aýylyndaǵy úıinen ketip qaıta oralmaǵan Anatolıı Zarva da tabylmaı jatyr. Jigitti izdeýge polıtseıler, eriktiler, jergilikti atqarýshy organdardyń qyzmetkerleri jáne belsendiler jumyldyryldy. Іs-túzsiz joǵalǵan adam týraly fotobaǵdarlar barlyq aýmaqtyq polıtsııa bólinisterine jiberildi. Volonterler áleýmettik jelide de málimetterdi jarııalady. Týǵan-týystarynyń aıtýynsha, 24 jastaǵy aýyl turǵyny buǵan deıin eskertýsiz úıden ketpegen.
Budan bólek, Taıynsha aýdany Kellerovka eldi mekeniniń turǵyny Sergeı Bagınskııge de izdeý jarııalanǵan. 57 jastaǵy er adamnan 8 mamyrdan beri habar joq.
SQO polıtsııa departamenti baspasóz qyzmetiniń málimetinshe, jyl basynan óńir polıtsııasyna is-túzsiz joǵalǵandar týraly 142 habarlama túsip, 140 habarsyz ketken adam tabyldy.
