SQO-da er adam sýıtsıd jasady, muny kórgen ákesi de ózine qol jumsamaq boldy
PETROPAVL. KAZINFORM — Soltústik Qazaqstan oblysyndaǵy Dmıtrıevka eldi mekeninde 31 jastaǵy er adam ústine benzın quıyp, ózin órtep jibergen.
Aýyl turǵyndarynyń aıtýynsha, jigit áıelimen janjaldasyp qalǵan. Keıin áke-sheshesiniń úıindegi monshaǵa kelip, ústine 5 lıtr benzın quıǵan.
Muny kórgen marqumnyń ákesi de ózine jaraqat salǵan. Alaıda dárigerler onyń ómirin saqtap qaldy.
SQO densaýlyq saqtaý basqarmasynyń málimetinshe, 1995 jyly týǵan er adam oqıǵa ornynda kóz jumdy.
Al 1962 jyly týǵan er adamǵa medıtsınalyq kómek qajet bolǵan. Onyń eki bileginde de kesilgen jaraqat anyqtalǵan. Alǵashqy medıtsınalyq kómekti feldsher kórsetip, hırýrgtiń keńesine júginý usynyldy.
SQO polıtsııa departamentiniń málimetinshe, osy oqıǵaǵa qatysty qylmystyq is qozǵaldy. Qazirgi ýaqytta oqıǵanyń mán-jaıyn anyqtaýǵa baǵyttalǵan tergeý amaldary júrgizilip jatyr.
Polıtsııa ózge aqparat tergeý múddesine baılanysty jarııa etilmeıtinin habarlady.
Buǵan deıin SQO-da sirke qyshqylyn ishken ákimdik qyzmetkeri eki aptadan keıin qaıtys bolǵanyn jazǵan edik.