SQO-da epıdmaýsym bastalǵaly 47 myńǵa jýyq adam JRVI-men aýyrdy

PETROPAVL. KAZINFORM — Soltústik Qazaqstan oblysynda jiti respıratorlyq vırýstyq ınfektsııany juqtyrý deńgeıi ótken epıdmaýsymmen salystyrǵanda 11% tómen. Byltyr osy aralyqta 52,5 myńǵa jýyq adam aýyrǵan edi. 

SQO sanıtarııalyq-epıdemıologııalyq baqylaý deparmenti basshysynyń orynbasary Arman Kúshbasov óńirdegi epıdjaǵdaıǵa toqtaldy. 

Epıdmaýsym bastalǵaly SQO-da JRVI-men aýyrýdyń 46 680 jaǵdaıy tirkeldi. Syrqattanǵandardyń 65% — 14 jasqa deıingi balalar.

Ótken aptada 2 521 adamǵa JRVI dıagnozy qoıyldy, aýyrǵandar sany aldyńǵy aptadaǵy deńgeıde saqtalyp tur. 

— Óńirde tumaýǵa jáne tumaýǵa jatpaıtyn vırýstarǵa turaqty monıtorıng júrgiziledi. A/N3N2 tıpti tumaýdy juqtyrýdyń zerthanamen rastalǵan 221 jaǵdaıy tirkeldi. Onyń131-i eresekter arasynda tirkelgen.

Al tumaýǵa jatpaıtyn vırýstarǵa keler bolsaq, rınovırýsty 24 adam, bokovırýsty — 10, adenovırýsty — 4 jáne resvırýsty 3 adam juqtyrǵan, — deıdi. Arman Kúshbasov.

Medıtsına uıymdarynda juqpaly aýrýlardyń taralýyn boldyrmaý maqsatynda fıltr-kabınetter jumys isteıdi.

— Olar emhanalardyń birinshi qabatynda, kireberiske jaqyn ornalasqan. Aýrý belgileri baıqalǵan jaǵdaıda turǵyndarǵa birden osy kabınetke júginip, dáriger qabyldaýyna barý usynylady. Bul — emhanaǵa kelgen basqa adamdarǵa vırýs juqtyrmaý úshin qolǵa alynǵan shara, — deıdi Arman Kúshbasov.

Qazirgi ýaqytta oblystyń bilim berý mekemelerinde vırýstyń taralýyna baılanysty synyptar men mektepterdiń qashyqtan oqytý formatyna kóshý faktileri tirkelgen joq.

Buǵan deıin Qazaqstanda Nıpah vırýsyn juqtyrý, sondaı-aq ony el aýmaǵyna ákelý jaǵdaılary tirkeýge alynbaǵanyn jazǵan edik.