SQO-da energetıka salasynyń qyzmetkerleri kásibı merekelerin atap ótti

Petropavl JEO-2 ókilderi úshin bıylǵy merekeniń mańyzy zor, óıtkeni osy jyly atalmysh mekeme 55 jyldyq mereıtoıyn atap ótkeli otyr. Energetıkterdi quttyqtaǵan oblys ákimi Erik Sultanov energetıka salasy ekonomıkanyń mańyzdy salasynyń biri ekenin atap ótti, dep habarlaıdy ákimdiktiń baspasóz qyzmeti.

 

«Soltústik Qazaqstan oblysynyń energetıka salasy ekonomıkalyq jáne qarjylyq kórsetkishterin arttyrý arqyly tabysty damyp keledi. Oblys energetıkteri óz mindetterin qashan da joǵary dárejede atqarady.

Búgin kásibı mereke kúni «SevKazEnergo» aktsıonerlik qoǵamy óziniń qyzmetkerleri, oblys turǵyndary úshin jańa jataqhana tapsyrǵaly otyr. Bundaı qadam qyzmetkerlerdiń kóńil kúıine, olardyń áleýmettik jaǵdaıyna erekshe oń yqpal etedi degen senimdemin», - dedi óńir basshysy.

Oblys ákiminiń Qurmet gramotasymen 4 sala qyzmetkeri marapattalsa, taǵy ekeýi Alǵys hattarmen marapattaldy.

   

Energetıkterdi merekesimen «Ortalyq Azııa Elektroenergetıkalyq Korporatsııa» AQ Prezıdenti Erkin Ámirhanov quttyqtady jáne «SEVKAZENERGO» AQ qyzmetkerlerine marapat kórsetip, arnaıy ataqtar tabystady.

Is-shara barysynda kásibı mereke ıelerin «SEVKAZENERGO» AQ bas dırektory Leonıd Larıchev te quttyqtady.

 

«SEVKAZENERGO» AQ energetıkteri joǵary óndiris kórsetkishterine qol jetkizdi. 2007 jylmen salystyrsaq, stansanyń qýaty 161 MVt-qa artyp, 514 MVt-ty qurady, al elektroenergııany óndirý saǵatyna 1,4 mlrd. kVt-qa artyp, búginde saǵatyna 3,2 mlrd kVt-ty quraıdy», - dep atap ótti Leonıd Larıchev.

Shara barysynda Petropavl JEO-2-niń 5 ardageri «Ardager energetık - Veteran energetık» ataǵyna ıe boldy.