SQO-da eńbekke ýaqytsha jaramsyzdyq paraǵy elektrondy túrde beriledi
Petropavldaǵy emhanalardyń basym bóligi búginde tsıfrlyq júıege kóshken. Dárigerlerdiń aıtýynsha, qaǵazbastylyqtan arylǵan olardyń jumysy edáýir jeńildedi. Elektrondy beriletin eńbekke ýaqytsha jaramsyzdyq paraǵy syrqattarǵa da, jumys berýshilerge de yńǵaıly bolyp otyr.
«Elektrondy paraqty ashqanda syrqattyń aty-jóni, mekenjaıy, jumys orny sııaqty aqparat avtomatty túrde shyǵady. Biz dıagnozyn jazyp, jumysqa jaramsyzdyq merzimi degen bóligin ǵana toltyramyz. Kelesi kelgende dáriger býma qaǵazdardyń arasynan qujattaryn izdemeıdi. Elektrondy bazadan birden tabady», - deıdi Petropavldaǵy № 1 qalalyq emhananyń ýchaskelik dárigeri Elena Plýjnıova.
№ 1 qalalyq emhana alǵyshqylardyń biri bolyp byltyr qyrkúıek aıynan bastap eńbekke ýaqytsha jaramsyzdyq paraǵyn elektrondy bere bastaǵan. Búginde onyń artyqshylyǵyn baıqap úlgerdi. Emdelýshige de endi dárigerlerdiń mórin jınaý úshin kabınetterdi aralaýdyq qajeti joq. Oǵan qosa, elektrondy qujat joǵalmaıdy.
«Syrqat «Damumed» qosymshasy arqyly eńbekke jaramsyzdyq paraǵyndaǵy málimetti ózi teksere alady. Ol úshin QR kodty skanerlep jeke paraqshaǵa kirý qajet. Jumys berýshige de elektrondy qujat yńǵaıly. Járdemaqynyń mólsheri avtomatty túrde esepteledi», - deıdi №1 qalalyq emhananyń statısi Aleksandr Gassman.
Jańashyldyqtyń basty artyqshylyǵy - eńbekke ýaqytsha jaramsyzdyq paraǵyn qoldan jasaýǵa bolmaıdy. ıAǵnı, sybaılas jemqorlyqqa jol joq.
