SQO-da eńbek naryǵynda asa qajet mamandyqtar tizimi jasaldy
SQO Kásipkerler palatasy baspasóz qyzmetiniń málimetinshe, óńirde 2023-2025 jyldary kadrlarǵa jalpy qajettilik 7 myńnan astam mamandy quramaq. Sonyń ishinde Petropavldyń kásiporyndaryna 4 myńnan astam adam qajet bolady.
«Jyl saıyn biz kásipkerler arasynda saýalnama júrgizemiz. Osylaısha aldaǵy úsh jylǵa kadrlarǵa degen qajettilikti anyqtaımyz. Qańtar-aqpan aılary aralyǵynda Palata qyzmetkerleri 1348 kásiporyn men uıymnan suhbat aldy, onyń ishinde 770 zańdy tulǵa jáne 578 jeke kásipker. Kadrlarǵa jalpy qajettilik 7,1 myń adamdy qurady, onyń ishinde bıyl 2,5 myń maman kerek», – deıdi SQO Kásipkerler palatasynyń dırektory Tımýr Bekeev.
Kadrlarǵa degen jalpy qajettilikten mamandardyń tek 7,3% ǵana joǵary bilimmen kerek.
«Eger sala boıynsha aıtatyn bolsaq, onda basymdyq aýyl sharýashylyǵynda saqtalady, kadrlarǵa qajettilik 1,2 myń adam, budan ári saýdaǵa 1,1 myń adam jáne óńdeýshi ónerkásip kásiporyndaryna 915 maman kerek. Joǵary bilim – basty talap emes. Qajet qyzmetkerlerdiń bes myńy kásiptik-tehnıkalyq bilimmen talap etiledi, taǵy 1,4 myń adam bilimdi qajet etpeıtin jumysty oryndaı alady», – deıdi Tımýr Bekeev.
Saýalnamaǵa sáıkes eń kóp suranysqa ıe mamandyqtardyń reıtıngi kelesideı: birinshi orynda aspazdar tur - qajettilik 612 adam, odan keıin aýdarmashylar - 457 adam, aýyl sharýashylyǵy salasynda traktorıst-mashınıster - 390 adam, tiginshiler - 369 adam, tehnık-baǵdarlamashylar - 312 adam.
«242 jumys berýshi dýaldy oqytý baǵdarlamasyna qatysýǵa ázir. 1000 stýdentti tájirıbeden ótkizip, keıin jumysqa qabyldamaq. Olar negizinen býhgalter-kassır, aspaz, avtoslesar, agronom, traktorıst-mashınıst», - deıdi SQO Kásipkerler palatasynyń sarapshysy Irına Toropova.
