SQO-da emdeý- aldyn alý mekemesinde órt boldy, 195 adam qaýipsiz jerge kóshirildi
ASTANA. Shildeniń 31-i. QazAqparat - Keshe, Soltústik Qazaqstan oblysy Jambyl aýdanyna qarasty Blagoveşenka aýylyndaǵy «Mamandandyrylǵan emdeý-aldyn alý mekemesi» kommýnaldyq memlekettik qazynalyq kásipornynda órt boldy, 195 adam qaýipsiz jerge kóshirildi.
Órt úsh qabatty ǵımarattyń (jalpy aýmaǵy 8 myń sharshy metr) 1-shi qabatynda ornalasqan týberkýlez bóliminiń turmystyq zattar bólmesinen 22 saǵat 18 mınýtta shyqty. Jalynnyń sharpyǵan jalpy aýmaǵy 24 sharshy metrdi qurady. Barlyǵy 195 adam qaýipsiz jerge aýystyryldy.
Abyroı bolǵanda qurbandar men zardap shekkender joq.
Ot SQO boıynsha TJD órtke qarsy qyzmetiniń 13 adamy men 2 tehnıkasynyń kúshimen 23.42-de óshirildi.
