SQO-da elimiz boıynsha teńdesi joq tuqym zaýyty ashyldy

PETROPAVL. QazAqparat – Soltústik Qazaqstan oblysynda joǵary sapaly tuqym daıyndaıtyn kásiporyn ashyldy. Biregeı jobanyń elimizde teńdesi joq, dep habarlaıdy QazAqparat tilshisi.

Esil aýdany Sovetskoe eldi mekeninde aýyl sharýashylyǵy daqyldarynyń tuqymyn daıyndaıtyn zaýyt iske qosyldy. SQO ákimi Qumar Aqsaqalov Táýelsizdik kúni qarsańynda ashylǵan tuqym zaýytynyń jumysyn kórdi. «Atameken Agro» JShS nysandy iske qosýǵa 1 mlrd teńge qarjy jumsady. Zaýyt jylyna 60 myń tonna tuqym daıyndamaq.

«Egistikte nátıje alǵyńyz kelse, eń aldymen tuqymnan bastaý kerek. Taza jáne birkelki tuqym jaqsy ónim beredi. Mundaı zamanaýı tuqym tazalaý júıesi endi soltústikqazaqstandyq dıqandarǵa da qoljetimdi.

Esil aýdanynda aýyl sharýashylyǵy tuqymdaryn shyǵaratyn jańa zaýyt iske qosyldy. Jańa kásiporyn sharýalardy sapaly tuqymmen qamtamasyz etip, ónimdilikke oń áserin tıgizedi», - deıdi Qumar Aqsaqalov.

Tuqym zaýyty 8 aıdyń ishinde boı kóterdi. Munda dán 6 kezeńdik tazalaýdan ótip, zııankesterden arylady. Tek shyǵymdylyǵy joǵary dánder ǵana iriktelip alynbaq. Kásiporynǵa 20 adam jumysqa alyndy.