SQO-da «eles-muǵalim» jalaqy alyp kelgen
ASTANA. QazAqparat - Sybaılas jemqorlyqqa qarsy qyzmet Soltústik Qazaqstan oblysynda jalpy bilim beretin mektepterdiń biriniń dırektoryna qatysty sotqa deıingi tergeýdi bastaýǵa bastamashy boldy, dep habarlaıdy QazAqparat QR memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Kelip túsken aqparat boıynsha, mektep dırektory óziniń qyzmettik babyn paıdalana otyryp, «alǵashqy áskerı daıyndyq» pániniń muǵalimi retinde azamatsha A.-ny qabyldaǵan. Eki jyl boıy mektepte boı kórsetpegen «eles-muǵalimge» jalaqy aı saıyn tólenip kelgen. Memleketke keltirilgen shyǵyn - 1 200 000 teńge.
Bıylǵy jyldyń 9 aıy ishinde Sybaılas jemqorlyqqa qarsy qyzmet orta mektep dırektorlaryna qatysty 25 qylmystyq is qozǵady, onyń altaýy boıynsha aıyptaý úkimderi shyǵyp úlgerdi.
