SQO-da elektr poıyzdary jumysyn toqtata ma

PETROPAVL. KAZINFORM – Soltústik Qazaqstan oblysynda elektr poıyzdary toqtaýsyz júrýi úshin kelesi jylǵa 900 mln teńge sýbsıdııa bólindi.

Áleýmettik jelide turǵyndar jańa jyldan bastap «Petropavl-Býlaevo» baǵytyndaǵy elektr poıyzynyń toqtaıyn dep jatqanyn aıtyp, shaǵymdandy.

Aıtýlarynsha, bul týraly kólik mashınısi habarlaǵan. Jol boıyndaǵy eldi meken turǵyndarynyń kópshiligi qalaǵa qatynap jumys isteıdi. Sol sebepti, kez kelgen aýa raıynda toqtamaı júretin kóliktiń bul túrine suranys joǵary. 

Posmotret etý pýblıkatsııý v Instagram

Pýblıkatsııa ot VASILII GENNADЬEVICh (@vassiliy_smirnov)

Soltústik Qazaqstan oblysynyń jolaýshylar kóligi jáne avtomobıl joldary basqarmasy bul aqparatty joqqa shyǵardy. 

- Óńirde elektr poıyzy eki baǵyt boıynsha júredi, olar: «Petropavl-Esilkól» jáne «Petropavl-Makýshıno» baǵyttary. Elektr poıyzdary jumysyn toqtatpaıdy. Bul baǵyttar bıýdjet esebinen sýbsıdııalanady. Kelesi jylǵa 900 mln teńge bólindi, - dedi basqarma basshysy Erden Shortybaev. 

Qazir Petropavldan Býlaevo qalasyna elektr poıyzymen 1,5 saǵat ishinde jetýge bolady. Bılet quny – 1400 teńge shamasynda. 

Buǵan deıin jańa jyl qarsańynda 3 baǵytta qosymsha poıyzdar jolǵa shyǵatynyn jazǵan edik.