SQO-da elektr energııasy qymbattap ketti
PETROPAVLOVSK. QazAqparat - 1 qańtardan bastap SQO-da elektr energııasynyń baǵasy kóterilip ketti, dep habarlaıdy «QazAqparat» HAA tilshisi.
SQO boıynsha Tabıǵı monopolııalardy retteý jáne básekelestikti qorǵaý jónindegi departament basshysynyń orynbasary Natalıa Shaıahmetovanyń aıtýynsha, jeke tulǵalar úshin baǵa QQS-ty qosa eseptegende 5 paıyzǵa, ıaǵnı 13,5 teńgege, zańdy tulǵalar úshin 5,2 paıyz, 16,31 teńgege qymbattaǵan.
Elektr baǵasy SQO-da 2016 jyldan beri birinshi ret kóterildi.
QR Ulttyq ekonomıka mınıstrliginiń tabıǵı monopolııalardy retteý jáne básekelestikti qorǵaý komıteti buǵan deıin elimizdiń birqatar aımaqtarynda 2018 jyldyń 1 qańtarynan elektr energııasynyń qymbattaıtynyn málimdegen bolatyn.
