SQO-da el Táýelsizdiginiń mereıtoıyna oraı toǵyzqumalaqtan chempıonat ótti
PETROPAVL. QazAqparat – Soltústik Qazaqstan oblysynda el Táýelsizdigininiń 30 jyldyǵyna oraı jasóspirimder arasynda toǵyzqumalaqtan chempıonat ótti, dep habarlaıdy QazAqparat tilshisi.
Qazaqtyń ulttyq oıyndarynyń biri – toǵyzqumalaqtan oblystyq chempıonatty uıymdastyrǵan SQO toǵyzqumalaq federatsııasy. Týrnır 11, 13, 15 jas aralyǵyndaǵy ul-qyzdar arasynda ótti. Oblystyń 7 aýdany men Petropavldan 48 jasóspirim qatysyp, baǵyn synady.
Solardyń biri – Shal aqyn aýdany Jańajol aýylynyń 14 jastaǵy turǵyny Tomırıs Qatranova. Ol birneshe oblystyq, respýblıkalyq dodalardyń júldegeri.
«Bul oıynda esepke júırik bolý qajet. Men qarsylasyma tuzdyq bermeýge tyrysamyn. Bul – jeńiske jetýdiń bir joly. Eger qarsylasqa kóp sharık nemes tuzdyq berý kerek bolsa, men basymdyqty tuzdyqqa beremin», - deıdi Tomırıs Qatranova.
Chempıonattyń jeńimpazdary 24-31 shilde aralaǵynda Semeı qalasynda ótetin respýblıkalyq saıysqa joldama alady. Oǵan oblystan 6 jasóspirim attanbaq.
«Búgingi jarysqa qatysyp jatqan balalardyń barlyǵy da aýdandyq jáne qaladaǵy sport mektepterinde toǵyzqumalaq úıirmesine qatysady. Jalpy mundaı saıys bizde jylda ótedi. Ul-qyzdarymyz túrli respýblıkalyq deńgeılerde ótetin dodalarda jaqsy nátıje kórsetip júr. Sol sebepti Semeıde ótetin basty oıynnan da qur qol qaıtpaımyz degen úmittemi», - deıdi toǵyzqumalaqtan oblystyń aǵa jattyqtyrýshysy Talǵat Janseıitov. .
SQO-da toǵyzqumalaq oıynyn joǵary deńgeıde damytpaq. Jaqynda sporttyń bul túrinen oblystyq federatsııa qurylyp, onyń prezıdenti bolyp kásipker, belgili metsenat Jomart Omarov saılandy.
