SQO-da el Táýelsizdiginiń 30 jyldyǵyna oraı 3,5 myńǵa jýyq túrli is-shara ótti
SQO óńirlik kommýnıkatsııalar qyzmetinde «QR Táýelsizdiginiń 30 jyldyǵyn merekeleý jáne Soltústik Qazaqstan oblysynda «Igi ister marafony» respýblıkalyq aktsııasyn iske asyrý» taqyrybynda brıfıng ótti.
SQO ishki saıasat basqarmasynyń bólim basshysy Baǵdat Muqanovanyń aıtýynsha, mereıtoıǵa baılanysty jyl basynan beri oblys boıynsha 3490 is-shara júzege asyryldy. Onyń ishinde halyqaralyq deńgeıde - 1, respýblıkalyq deńgeıde - 8, oblystyq deńgeıde - 943, qalalyq deńgeıde – 756, aýdandyq deńgeıde – 1782 is-shara ótken.
«Іs-sharalar karantındik sharalardy qatań saqtaı otyryp júrgiziledi.
«Otan 2021» áskerı-patrıottyq lageri jumys istedi, múmkindigi shekteýli jandar arasynda «Úmit» spartakıadasy ótti. BAQ ókilderi arasynda uıymdastyrylǵan spartakıada da, polıtsııa qyzmetine jańa avtokólikter tabys etý rásimi de mereıtoı aıasynda ótti. Ekinshi jarty jyldyqqa da birneshe úlken is-shara josparlanǵan. Sonyń ishinde «Ordasy uly Abylaıdyń» atty kórme, «Babalar ulaǵaty» atty jyrshy-termeshilerdiń respýblıkalyq baıqaýy, oblystyq «Aq bıdaı» sport merekesiniń aqtyq kezeńi, kıkboksten QR kýbogi bar», - deıdi Baǵdat Muqanova.
Prezıdent Q.K. Toqaevtyń bastamasymen qolǵa alynǵan «Igi ister marafony» respýblıkalyq aktsııasy aıasynda SQO-da 660 qaıyrymdylyq sharasy ótip, 7,5 myń adamǵa kómek kórsetildi. Bul jumystarǵa óńirde 300 volonter tartylǵan.
«Volonterler jalǵyzilikti qarttardy, múgedekterdi qamqorlyǵyna alǵan. Qysta aýlalaryn qardan tazalap, úı jumystaryna kómektesse, qazir otyn jarýǵa, mańaıdy jónge keltirýge kómek qolyn sozady. Naýryz meıramynda volonterler kommýnaldyq qyzmet jumysshylaryna ystyq baýyrsaq pen shaı taratty. Sáýir aıynda óńirge toqtaǵan birqazandarǵa jemazyq taýyp berý úshin qarajat jınaýdy uıymdastyrdy. Budan basqa ekologııalyq, qan tapsyrýǵa shaqyrǵan aktsııalardy ótkizip turady. Qańǵyrǵan úı janýarlaryna arnalǵan oryndardy da nazarǵa alǵan», - deıdi SQO Іshki saıasat basqarmasy qoǵamdyq damý jáne aqparat ortalyǵy Jastar bastamalary bóliminiń basshysy Anastasııa Volkova.