SQO-da ekologııany buzyp jatqan 4 kásiporynnyń jumysyn toqtatý talap etildi
PETROPAVL. QazAqparat – Soltústik Qazaqstan oblysynyń Ekologııa departamenti zańnama buzǵan 4 kásiporynnyń jumysyn ýaqytsha toqtatý týraly sotqa júgindi, dep habarlaıdy QazAqparat tilshisi.
SQO Ekologııa departamentiniń basshysy Azamat Bektasovtyń aıtýynsha, jyl basynan beri óńirde 50-ge jýyq tekseris júrgizilgen. Nátıjesinde zań buzýdyń 100-den astam faktisi anyqtalyp, 47 ákimshilik is qozǵaldy. Onyń 40 boıynsha jalpy 22 mln teńge aıyppul salyndy.
4 JShS-ǵa qatysty anyqtalǵan buzýshylyqtar joıylǵanǵa deıin kásiporyndar jumysyn toqtatý týraly sotqa 4 talap-aryz joldandy.
«Qyzyljar Tazalyq» JShS ekologııalyq saraptama anyqtaǵan olqylyqtardy joımaǵan. ıAǵnı ol qoqystardy talapqa saı qattap, jınamaý, qoqystardy suryptamaý, qoqystyń janý derekteri – bul talaptardy óreskel buzý bolyp esepteledi. Sondyqtan kásiporynnyń jumysyn ýaqytsha toqtatý úshin sotqa talap-aryz joldandy. Alaıda sot bizdiń talabymyzdy toqtatty. Departament apelıatsııaǵa berý úshin jeke shaǵym daıyndady», - deıdi Azamat Bektasov.
Eger Ekologııa departamenti jeńip jatsa, kásiporyn jumysyn ýaqytsha toqtatady. Ol barlyq olqylyqtardy joımaıynsha turmystyq qatty qaldyqtardy qabyldaı almaıdy.
Al buǵan deıin SQO turǵyndary jumysyna aryzdanǵan «SKO FARMATsIıA Ekomed.kz» JShS-niń lıtsenzııasy bolmaı shyqty. Kásiporyn medıtsınalyq qaldyqtardy joıýǵa mamandandyrylǵan.
«SKO FARMATsIıA Ekomed.kz» JShS-ǵa qatysty aıtar bolsam, jaqynda Maloe Beloe eldi mekeniniń turǵyndary osy kásiporynnyń jumysyna qatysty narazylyq bildirgen edi. Kameraldy tekserý – materıaldardy jınap, saraptaý nátıjesinde JShS-niń jumysyn toqtatý týraly sotqa talap-aryz joldandy. Ekologııa kodeksine sáıkes, qaýipti, sonyń ishinde medıtsınalyq qaldyqtardy joıýmen aınalysatyn kásiporyn onymen aınalysý úshin lıtsenzııa alýǵa mindetti. Alaıda onyń lıtsenzııasy joq, qolynda qorshaǵan ortaǵa emıssııa ruqsaty jáne sáıkesinshe ekologııalyq saraptamanyń qorytyndysy ǵana bar.
Bar materıal jınalyp, sotqa jiberildi. Sottyń sheshimimen jáne bitimgershilik kelisimge baılanysty bul kásiporyn lıtsenzııa almaıynsha jumys istemeýdi sheshti. Eger de olar bul kelisimdi buzyp jatsa, onda sot oryndaýshylary arqyly oryndaý qujaty jiberiledi», - deıdi departament basshysy.
Al «Atameken Agro» JShS olqylyqtardy sot isti qaraǵansha joıdy. Ekologııalyq zańnamany buzǵan taǵy bir kásiporyn «Asyl logıstıks» JShS-niń isi sotta qaralyp jatyr.
