SQO-da ekologııalyq aktsııa kezinde júzge jýyq adam jaǵalaýdy qoqystan tazartty
PETROPAVL. QazAqparat – Soltústik Qazaqstan oblysynda Dúnıejúzilik qorshaǵan ortany qorǵaý kúnine oraı «Taza jaǵalaý» ekologııalyq aktsııasy ótti, dep habarlaıdy QazAqparat tilshisi.
Tabıǵatty qorǵaý jolynda qyzmet atqaryp júrgen birneshe mekeme mamandary búgin dástúr boıynsha ekologııalyq aktsııa uıymdastyrdy. Petropavldyń irgesindegi Pestroe kóliniń basyna jınalǵan qyzmetkerler jaǵany demalýshylardan qalǵan qoqystan tazartty.
«Bul aktsııa bizde dástúrli. Dúnıejúzilik qorshaǵan ortany qorǵaý kúnine oraı jyl saıyn túrli aktsııalar, senbilikter ótkizemiz. Bıyl ekologııalyq aktsııaǵa pandemııanyń saldarynan alǵash ret shyǵyp turmyz. Adam kóp keletin jaǵalaýdy qoqystan tazartpaqshymyz. Jalpy, Pestroe kóliniń mańyndaǵy qoqysburynǵydaı emes, azaıǵan. Bul - demalýshylardyń mádenıetiniń artqandyǵynyń belgisi. Óńir turǵyndaryn qorshaǵan ortany lastamaýǵa, tabıǵatty aıalaýǵa shaqyramyn», - deıdi SQO Tabıǵı resýrstar jáne tabıǵat paıdalanýdy retteý basqarmasynyń bas mamany Andreı Slavnyı.
«Taza jaǵalaý» aktsııasyna júzge jýyq maman qatysty. Bul kúni jaǵalaýdan jınalǵan qoqys kólikterge artylyp, qoqys polıgondaryna jóneltildi.
Jalpy, SQO-da 460 qatty qaldyq polıgony bolsa, sonyń tek 17-si ǵana talapqa saı resimdelgen.
