SQO-da ekologııa salasyndaǵy sybaılas jemqorlyq táýekelderi belgili boldy
QR Sybaılas jemqorlyqqa qarsy is-qımyl agenttiginiń SQO boıynsha departament basshysynyń birinshi orynbasary Nurlan Jahınniń aıtýynsha, ár mekemede sybaılas jemqorlyq táýekelderi anyqtalǵan.
«Taldaý barysynda sybaılas jemqorlyqtyń aldyn alýǵa baǵyttalǵan 16 usynys ázirlendi. Ekologııa salasynda laýazymdy tulǵaǵa sheshimdi óz qajetinshe qabyldaýǵa múmkindik beretin dıskretsııalyq ókilettiliktiń bolýy, synamany irikteýde baqylaý-qadaǵalaý qyzmetin júrgizýi, quqyq buzýshyny ákimshilik jaýapkershilikten jáne keltirilgen shyǵyn mólsheriniń ornyn toltyrýdan alyp ketý múmkindigi bári – sybaılas jemqorlyq táýekelderi», - deıdi Nurlan Jahın.
Sybaılas jemqorlyqqa qarsy qyzmet orman sharýashylyǵy jáne janýarlar dúnıesi aýmaqtyq ıspektsııasynyń memlekettik ınspektorynyń qyzmetinen de táýekelderdi anyqtady. Máselen ınspektorlar zańnamalyq deńgeıde zańsyz aýlanǵan janýarlardy alýǵa, keltirgen shyǵyn mólsherin esepteýge jáne quqyqbuzýshyǵa jaza túrin tańdap, ákimshilik jaýapkershilikke tartýǵa ókilettigi bar.
Taldaýdy júrgizý barysynda qorshaǵan ortaǵa keltirilgen shyǵynnyń ornyn toltyrý máselesi de kóterildi.
Mamandardyń aıtýynsha, ótken jyldyń qorytyndysy boıynsha Ekologııa departamenti keltirilgen shyǵyn mólsherin 58 mln teńgege eseptegen. Onyń jartysynan astamy – 30 mln teńgesi áli qaıtarylmaǵan. Bul – Petropavl qalalyq ákimdiginiń «Tazartqysh, sý taratqysh jáne sý ótkizgish ǵımarattar» kásipornynyń qorshaǵan ortaǵa keltirgen shyǵyny. Mekeme 2018 jyldyń sońynda Esil ózenine lastaıtyn zattary bar aǵyn sýdy jibergen. Qalalyq ákimdikke vedomstvolyq baǵynysty mekeme kúshin joıý rásimin alǵa tartyp shyǵynnyń ornyn toltyrýǵa asyǵar emes. Qujattar boıynsha olar 2018 jyldyń jeltoqsanynda oryndaýlary kerek edi.
Vedomstvo júrgizgen taldaý barysynda sondaı-aq jergilikti basqarý organdarynyń laýazymdy tulǵalarynyń jaýapkershilikti eskermegendikteri anyqtalǵan. Osylaısha Beskól aýyldyq okrýginde belgilenbegen qoqys orny paıda bolǵan.
«Zańǵa ózgerister engizildi. Endi sizderge derbes jaýapkershilik júkteledi. Sol sebepti biz bergen usynystar tek qaǵaz júzinde ǵana oryndalmaýy kerek. Kerisinshe sizder muny paıdalanyp, sybaılas jemqorlyq táýekelderin joıýǵa kúsh salýlaryńyz qajet», - dedi Nurlan Jahın.