SQO-da eki jyl burynǵy qylmys áshkerelendi
PETROPAVL. QazAqparat - Soltústik Qazaqstan oblysynda polıtseıler eki jyl burynǵy qylmysty ashty, dep habarlaıdy QazAqparat tilshisi.
Polıtsııa departamenti baspasóz qyzmetiniń aqparaty boıynsha, qaraqshylyq shabýyl 2017 jyldyń kúzinde Ǵ.Músirepov aýdanynda jasalǵan. Ýrojaınoe aýylynyń 21 jastaǵy turǵynynyń úıine er adam basyp kirgen. Qolynda pyshaq bolǵan, betin jempiriniń jaǵasymen jaýyp alǵan. Qoryqqan qyz barlyq aqshasyn bergen. Ol eseńgirep, polıtsııany birden shaqyrmaǵan. Ol kezde qylmysty áshkereleý múmkin bolmaǵan.
«Oblystyq krımınaldyq polıtsııa basqarmasynyń qyzmetkerleri polıtsııanyń aýdandyq bólimine kelgen. Óńirde «quqyq tártibi» jedel-profılaktıkalyq is-sharalar júrgizildi. Іstegi faktiler qaıta tekserilip, kúdikti anyqtaldy», - dedi basqarma bastyǵy Petr Klımov.
58 jastaǵy kúdikti - buryn sottalǵan osy aýdannyń turǵyny. Ol aýdannan shyqpaý týraly qolhatpen jiberildi. Qazir «Qaraqshylyq shabýyl» qylmystyq baby boıynsha tergeý júrip jatyr. Ol osy qylmysy úshin 10 jylǵa deıin bas bostandyǵynan aıyrylýy múmkin.
