SQO-da eki júk kóligi soqtyǵysty, zardap shekkender bar
PETROPAVL. QazAqparat – Soltústik Qazaqstan oblysynda eki júk kóligi soqtyǵysyp, eki adam mert boldy, úsheýi jaraqattandy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, jol-kólik oqıǵasy 28 aqpan kúni saǵat 12.00 shamasynda Esil aýdanynda bolǵan. Maltsevo eldi mekeniniń mańynda tirkemeleri bar «MAZ» jáne «Shacman» júk kólikteri soqtyǵysqan. Saldarynan sol mańda joldy qardan tazartyp júrgen «Petropavl joldary» JShS jumysshylaryn basqan. ıAvlenka eldi mekeniniń 68 jáne 48 jastaǵy eki turǵyny sol jerde qaza tapty. Taǵy úsh adam túrli jaraqatpen aýdandyq aýrýhanaǵa jetkizildi.
Jol-kólik oqıǵasyna qatysty «Kólik quraldaryn júrgizýshi adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý bastaldy. Tıisti saraptama taǵaıyndaldy.
