SQO-da eki jeńil kólik soǵylyp, úsh adam aýrýhanaǵa tústi
PETROPAVL. QazAqparat – Soltústik Qazaqstan oblysynda tasjolda eki jeńil kólik soǵylyp, úsh adam jaraqattandy, dep habarlaıdy QazAqparat tilshisi.
Jol-kólik oqıǵasynyń beınejazbasy áleýmettik jelide tarady.
Kýágerlerdiń aıtýynsha, qatty soqqydan «Vaz» kóligi joldan shyǵyp ketken. Onyń júrgizýshisi men eki jolaýshysy jaraqat aldy. Júrgizýshiniń jaǵdaıy aýyr.
SQO Qyzyljar aýdandyq polıtsııa bóliminiń málimetinshe, jol apaty 11 shilde kúni saǵat 15.00 shamasynda «Petropavl-Jezqazǵan» avtojolynda bolǵan.
Báıterek aýylynyń qasynda «Lexus» kóliginiń 1961 jylǵy júrgizýshisi jasap jatqan manevriniń qaýipsizdigine kóz jetkizbeı ózimen bir baǵytta kele jatqan «Vaz 2110» kóligin soqqan.
Ekinshi kóliktiń rólinde Beskól aýylynyń 2002 jylǵy turǵyny bolǵan. Soqqydan «Vaz 2110» joldyń shetine shyǵyp ketken.
Kóliktiń júrgizýshisi men eki jolaýshysy medıtsınalyq mekemege jetkizildi.
Polıtseıler oqıǵa ornynda jumys istep, qajetti materıaldy jınady.
