SQO-da eki kúnde sheteldikterdi jumysqa zańsyz alýdyń 12 deregi anyqtaldy
SQO polıtsııa departamenti baspasóz qyzmetiniń málimetinshe, 12-14 qyrkúıek aralyǵynda óńir polıtseıleri jaldamaly páterler men bazarlardy, qurylys alańdaryn, sharýa jáne fermerlik qojalyqtardy, sheteldikterdiń basqa da bolýy múmkin jerlerin tekserdi. «Mıgrant» jedel profılaktıkalyq is-sharasynyń maqsaty – elimizdiń kóshi-qon zańnamasynyń buzylýyna jol bermeý.
«Árbir tekserilýshimen profılaktıkalyq áńgime júrgizilip, óziniń quqyqtyq mártebesin ýaqtyly retteý, QR bolý merzimderi men erejeleri týraly zań talaptarynyń buzylýyna jol bermeý qajettigi týraly eske salynady. Іs-shara barysynda sheteldik jumys kúshin zańsyz paıdalanýdyń birqatar faktisi anyqtaldy. Mysaly, JShS-niń biri qurylys jumystaryna Ózbekstan azamattaryn zańsyz tartqan. Jumysshylarǵa qatysty QR Ákimshilik quqyq buzýshylyq týraly kodeksiniń 517-baby boıynsha materıaldar jınaqtaldy. Jumys berýshiler de jazasyz qalmady. QR ÁQBtK 519-baby boıynsha jaýapkershilikke tartylady», - deıdi SQO PD kóshi-qon qyzmeti basqarmasy bastyǵynyń mindetin atqarýshy Ermek Nusurbaev.
Polıtseıdiń aıtýynsha, zańdy tulǵalar EAEO kiretin memleketterdiń azamattaryn ǵana jumysqa qabyldaı alady. Ózbekstan, Tájikstan, Ázerbaıjan sııaqty elderdiń turǵyndary tek jeke tulǵalarǵa ǵana jumysqa ornalasýǵa quqyly.
«Jedel profılaktıkalyq is-shara aıasynda sheteldik jumys kúshin tartý erejelerin buzǵany úshin 2 jumys berýshi jaýapkershilikke tartyldy. QR-da bolý erejelerin buzǵan 71 shetel azamaty anyqtaldy. Sondaı-aq, kóshi-qon qyzmetin sheteldikterdiń bolýy týraly ýaqtyly habardar etpegen 51 soltústikqazaqstandyq ákimshilik jaýapkershilikke tartyldy. Aıyppul arqalamas úshin muny 3 jumys kúni ishinde atqarý kerek. Basqa memleketterdiń 6 azamaty QR kóshi-qon zańnamasyn júıeli túrde buzǵany úshin Qazaqstan aýmaǵynan shyǵaryldy», - deıdi Ermek Nusurbaev.