SQO-da eki kúnde buryn jasalǵan 6 mal urlyǵy ashyldy
SQO polıtsııa departamenti baspasóz qyzmetiniń málimetinshe, 28-i men 30-ynshy qarasha aralyǵynda óńirde «Mal urysy» jedel-profılaktıkalyq is-sharasy ótti. Tártip saqshylary veterınarııa qyzmetimen birge mal tasymaldaıtyn avtokólikterge jáne et satatyn oryndarǵa kúsheıtilgen tekseris júrgizdi. Ettiń qajetti qujattarynyń bolmaýy – mal urlyǵyna qatysyn anyqtaýǵa negiz bolady. Sondaı-aq, mal urysy, urlanǵan maldy satyp alýshy, qasapshy retinde esepte turǵandar tekserildi. Nátıjesinde veterınarııa salasynda QR zańnamasyn buzýdyń 21 deregi, maldy qaraýsyz jiberýdiń 69 faktisi anyqtaldy.
«Maldy bos qoıa berý – mal urlyǵyn jasaýǵa yqpal etetin negizgi faktorlardyń biri. Sondaı-aq, jedel-profılaktıkalyq is-sharanyń 2 kúninde buryn jasalǵan 6 mal urlyǵy ashyldy, onyń 5-ýi – «ótken jylǵy» sanatyndaǵy qylmystar. Turǵyndardyń túligi erkin jaıylyp júrgen jerinen joǵalǵan, - deıdi SQO Polıtsııa departamenti Krımınaldyq polıtsııa basqarmasy bastyǵynyń mindetin atqarýshy Madııar Harıpov.
Sondaı-aq, jedel-profılaktıkalyq is-sharanyń 2 kúninde 113 sharýa qojalyǵy, mal jaıylymdary men fermalar tekserildi. Aktsııa barysynda Qyzyljar jáne Jambyl aýdandarynda tirkelmegen qarýdy zańsyz saqtaý faktileri de anyqtaldy – jergilikti turǵyndardan zańsyz saqtalǵan «IJ» jáne «TOZ» myltyqtary alyndy.
