SQO-da eki kúnde 50-den astam órt tirkeldi
PETROPAVL. QazAqparat – Soltústik Qazaqstan oblysynda 16-18 qazan kúnderi 53 órt oqıǵasy tirkelse, sonyń 13-inde turǵyn úı men qora-qopsy janǵan, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, 17 qazan kúni saǵat 10.02-de «101» qyzmetine Qyzyljar aýdanyndaǵy Krıvoozerka eldi mekeninde turǵyn úıdiń órtengeni týraly habar túsedi.
Órt sóndirýshilerdiń alǵashqy bólimshesi oqıǵa ornyna 17 mınýttyń ishinde jetti. Mamandar kelgen kezde úı otqa oranyp úlgergen eken, shatyry qulaı bastaǵan.
«Eldi meken Qyzyljar aýdanyna qaraǵanymen, órtti sóndirýge Petropavldan da órt sóndirýshiler jiberilip, olar birinshi jetti. Aǵashtan salynǵan úıden bir gaz ballony shyǵaryldy. Úıdiń aýmaǵy 70 sharshy metr, shatyryna, qabyrǵalaryna aıtarlyqtaı zaqym keldi, dúnıe-múlik janyp ketti. Ázirge órttiń neden shyqqany jáne kelgen shyǵyn mólsheri belgisiz», - deıdi SQO TJD «Órt sóndirý jáne avarııalyq-qutqarý jumystary qyzmeti» MM bastyǵynyń orynbasary Nıkolaı Beloýsov.
SQO-da 16-18 qazan kúnderi qutqarýshylar 61 shaqyrtýǵa shyqsa, sonyń 53-i órtke qatysty. Jalpy jyl basynan oblys aýmaǵynda 524 órt tirkeldi, 38 adam qaza taýyp, 14-i jaraqat aldy.
