SQO-da eki kólik soqtyǵysyp, bir áıel jaraqat aldy
PETROPAVL. QazAqparat – Soltústik Qazaqstan oblysy Beskól aýylynyń mańynda eki jeńil kólik soqtyǵysyp, bir áıel jaraqatpen aýrýhanaǵa jetkizildi, dep habarlaıdy QazAqparat tilshisi.
Jol-kólik oqıǵasy keshe, saǵat 19.00 shamasynda bolǵan. Beskól aýylynyń mańynda eki kóliktiń soqtyǵysqan beınejazbasy áleýmettik jelide tarady.
Keıin osy postqa qatysty polıtseıler túsinik berdi.
«21 maýsym kúni saǵat 18.40-ta «Petropavl-Jezqazǵan» avtojolynda «Hyundai Accent» pen «Nissan Primera» kólikteri soqtyǵysty. Saldarynan «Hyundai Accent» mashınasyndaǵy jolaýshy aýyr jaraqat alyp, Petropavldaǵy aýrýhanalardyń birine jetkizildi. Qyzyljar aýdany polıtsııa bóliminiń qyzmetkerleri osy oqıǵaǵa qatysty materıal jınap jatyr, keıin sol boıynsha protsessýaldyq sheshim qabyldanady», - delingen áleýmettik jelidegi jaýapta.
